Lang syne aboot the fore-end o the seeventies a royet boorach o chiels cried the Scots Thristles gaed aboot makkin a new soond. Rehersin in a wee bothy in a landart clachan cried Tay-Na-Ryse, hyne awa in the mids o Ooter Teuchtonia they cam oot wi a soond that wis later stowen bi a fantoush chiel fae Lunnon an mercatit as Punk Rock. For mony year nou the Scots Thristles haes been aw but forgotten but some incomers reddin up the auld bothy cam ower an auld meal-kist aneath the fluir-brods an in this meal-kist wis whit is nou kent as the Bothy Tapes. Unfortunate like, wind an wather haed duin their warst an only three tracks wis fettle eneuch tae be uised on this CD.

plus-circle Add Review

comment

Reviews